හම්බන්තොට ගොඩ නගන වැඩපිළිවෙල |හෙට හම්බන්තොට ප්‍රතිපත්ති මාලාව | නවවැනි කොටස : දකුණේ අම්මාවරුන්ගේ හීනය..
ජනතාව කෙරෙහි පවතින ලෙංගතුකමත් පෙරළා ජනතාවගෙන් හිමිවන ආදරයත් දේශපාලන ජිවිතයේ මා ලද භාගයක් කොට සලකමි. මහින්ද රාජපක්ෂ මැතිතුමන් මව්වරුන්ගේ ඇසින් කඳුළු නතර කිරීමට එදා ජනතා විමුක්ති පෙරමුණේ භීෂණ සමයේ ”මව් පෙරමුණ” නිර්මාණය කරමින් පෙරමුණ ගත්තේය. එදා භීෂණයෙන් බැට කෑ මව්වරුන්ද භීෂණයට ගොදුරු වූ දරුවන්ද වෙනුවෙන් හඬ නගමින් ඒ දරුවන් වෙනුවෙන් ජිනීවා වලට පවා ගියේ මහින්ද රාජපක්ෂ මැතිතුමන්ය. තම දරුවාගේ ජීවිතය නැති වීම නිසා, නැති වේදෝ යි බිය හා සිය දරුවාගේ අනාගතය යුද්ධයෙන් අඳුරු වී යාදෝ බියෙන් තිස් වසරක් පුරා මෙරට සිංහල ද දමිල ද මුස්ලිම් ද කියා වෙනසක් නොමැතිව යුද්ධය නිසා කඳුලින් ජීවත් වූ මව්වරුන්ට සහනය ගෙනාවේ මාගේ පියාණන් වන මහින්ද රාජපක්ෂ මැතිතුමන්ය.
ඔහුගේ හදවතේ ජනතාව වෙනුවෙන් තිබු ආදරය කුඩා කල සිටීම මාද හඳුනාගෙන සිටියෙමි. මා හැදී වැඩුනේද එම අභාෂයන් සිත්හි මුදුන් පමුණුවා ගෙනය. මගේ නිවසේ තුබූ පෙර පාසලේ කුඩා දරුවන්, දෙමාපියන් සමග ගොඩ නැගුනු සෙනෙහසත් හම්බන්තොට දිස්ත්‍රික්කයේ මාගේ පියාණන් සමග වසර 50ක් පුරා දේශපාලනයේ නියැලුණු අපුර්ව මිනිසුන් මා හට තම දරුවෙකුට සේ සෙනෙහස දැක්වුවන්ය. මා කුඩා කල තංගල්ල වෙරළට එක්කරගෙන ගිය අයය. අප දේශපාලන කටයුතු වලට යද්දී ගෙදරකට ගොඩ වූ විට තේ කහට ටිකක්, බත් කටක් කෑ වේ මේ මිනිසුන්ගේ නිවෙසක දීය. ඒ මගින් ඔවුන් මටත් මා ඔවුන් වෙතත් ඇති ලෙංගතු බව දිනෙන් දින වර්ධනය වී ඇත. දැන් ඒ සෙනෙහෙබර මිනිසුන්ට දක්වන සෙනෙහස නම් ඔවුන්ගේ දුවා දරුවන් වෙනුවෙන් සාර්ථක අනාගතයක් නිර්මාණය කර දීමට අවශ්‍ය වැඩ පිළිවෙලක් මේ දිස්ත්‍රික්කයේ මෙන්ම රටේම ක්‍රියාත්මක කිරීම යයි මා විශ්වාස කරන්නෙමි.
