පවුල් පාලනයක් ගැන නිතර චෝදනා නගන අයට නාමල් ගෙන් පිළිතුරු.
තමන්ගේ අවශ්‍යතා හෝ තම මතය වෙනුවෙන් තම පවුල් සබදතා හරහා බලපෑම් කොට ඒවා ලබා ගැනීමට තමන්ට කිසිසේත්ම අවශ්‍යතාවයක් නොමැති බව හිටපු පාර්ලිමේන්තු මන්ත්‍රී නාමල් රාජපක්ෂ මහතා අවධාරණය කරයි. ඒ වෙනුවෙන් ජනතා කෙන්ද්‍රීය වටපිටාවක් තුළ ජනමතය ගොඩ නගමින් තම මතය ජන මතය බවට පත් කිරීමට හැකිබව තමන් ක්‍රියාවෙන්ම ඔප්පු කොට ඇතිබව නාමල් ප්‍රකාශ කරන ලදී.
කුරුණෑගල පැළ දෙලක්ෂ පනස්දාහක් සිටුවීමේ ව්‍යාපෘතිය සුබ මොහොතින් ඇරැඹේ
පෙරේදා (12 වැනිදා) පස්වරු 12.12ට පැළ 12ක් සිටුවා කුරුණෑගල දිස්ත්‍රික්කය පුරා පැළ දෙලක්ෂ පනස්දාහක් සිටුවීමේ ව්‍යාපෘතිය ආරම්භ කරනු ලැබීය. සමාරම්භක අවස්ථාවට වරාය හා නාවික කටයුතු, මහා මාර්ග සංවර්ධන අමාත්‍ය ජොන්ස්ටන් ප්‍රනාන්දුගේ ප්‍රධානත්වයෙන් කුරුණෑගල ගනේවත්ත ප්‍රදේශයේ දී පැවැත්විණි.
ගෝඨාභය රාජපක්ෂ ජනාධිපතිතුමන් කුරුණෑගල දිස්ත්‍රික්කය වැඩි ඡන්ද දෙලක්ෂ පනස්දාහකින් ජයග්‍රහණය කිරීම නිමිත්තෙන් මෙම පැළ දෙලක්ෂ පනස් දාහක් සිටුවීමේ ව්‍යාපෘතිය ආරම්භ කරන ලදි. මෙම ව්‍යාපෘතිය කුරුණෑගල දිස්ත්රික්කයේ තරුණ තරුණියන් 31,000ක් සහභාගී කරවාගෙන ඉදිරියේ දී ක්‍රියාත්මක කිරීමට නියමිතය.
මෙම අවස්ථාවට පාර්ලිමේන්තු මන්ත්‍රී නාමල් රාජපක්ෂද සහභාගී විය.
ජනාධිපතිවරණය ජයග්‍රහණය කළ පසු කුරුණෑගල දිස්ත්රික්කයේ පැළ ලක්ෂයක් සිටුවන බවට අමාත්‍යවරයා මීට පෙර ප්‍රකාශ කර තිබිණි. මෙහිදී කුරුණෑගල දිස්ත්‍රික්කය පුරා ගෙවතුවල පලතුරු, ඖෂධීය ශාක සිටුවීමද සිදුකෙරෙනු ඇත.
මෙහි විශේෂත්වය වනුයේ සෞඛ්‍යාරක්ෂිත ක්‍රම අනුගමනය කරමින් අවම පිරිසකගේ සහභාගීත්වයෙන් මෙම පැළ සිටුවීමේ ව්‍යාපෘතිය ආරම්භ වීමය.
මුල් පුවත සදහා : සති අග අරුණ
“හෙට හම්බන්තොට” ප්‍රතිපත්ති මාලාව : තෙවන කොටස | හම්බන්තොට ගොඩ නගන වැඩපිළිවෙල
අද අප රටේ සිටින්නේ ගෝලීය දේශපාලනය සමඟ බද්ධ වූ තරුණ පිරිසකි. ඔවුන් බොහෝ දේශපාලකයින්ගේ දේශපාලන පිල් මාරු වීම් දෙස බලා සිට තිබේ. සමහර දේශපාලඥයින් කුමන ආණ්ඩුවක වුවත් තනතුරු තානාන්තර දරමින් කටයුතු කරනු ඔවුන්ගේ අවදානයට ලක්ව ඇත. ඒ නිසාම ඔවුන් මේ වන විට දේශපාලකයින්ගේ දේශපාලන ප්‍රතිපත්ති, ආර්ථික ප්‍රතිපත්ති, විදේශ ප්‍රතිපත්ති දෙසට අවධානය යොමු කරමින් ඒවා ප්‍රශ්න කිරීමට පෙළඹී ඇත. එලෙසම මැතිවරණයක් ආසන්න වීමේදී උදලු තලයක්, මෝල් ගහක්, අලවංගුවක් ලබා දී ඡන්ද ලබා ගැනීමට සමහර දේශපාලකයන් උත්සාහ කරති. නමුත් මේ කරණා කෙසේ වුවත් ගෝඨාභය රාජපක්ෂ මැතිතුමන් නව දේශපාලන සංස්කෘතියක් රටට ගෙනාවේය. අප එම නව දේශපාලන සංස්කෘතිය තව තවත් අලුත් කල යුතුව ඇත. නව දැක්මක් සහිතව ඉදිරියට ගමන් කල් යුතුය. ඒ අනුව අප මෙරට අධ්‍යාපන ක්ෂේත්‍රයට නැවුම් මුහුණුවරක් ගෙන එමින් ප්‍රතිසංවිධානය කල යුතුය. ඒ සඳහා අධ්‍යාපන ක්ෂේත්‍රයේ දැඩි වෙනසක් සිදු කළ යුතුව ඇති බව මාගේ විශ්වාසය වේ.
අදට ද මෙරට නිදහස් අධ්‍යාපනයක් පවතිනවා යැයි කීවද ඒ නිදහස භක්ති විදින්නේ අතලොස්සකි. නොමිලේ අධ්‍යාපනය ලබා දුන්නද බොහෝ දුරටශිෂ්‍ය ශිෂ්‍යාවන්ට ටියුෂන් පන්ති යාමට සිදු වී තිබේ. මේ හේතුවෙන් ග්‍රාමීය පාසල් වල පහසුකම් වැඩි දියුණු කළ යුතු අතර විෂයපතයන්ගේ වෙනසක් සිදු කල යුතුය. එය විශ්ව විද්‍යාල මට්ටමින් පවා සිදු කරමින් ලෝකයේ රැකියා වෙළඳ පොලට සරිලන විෂයයන් සඳහා පරිවර්තනය කළ යුතු වේ. මන්දයත් විශ්ව විද්‍යාලයෙන් එළියට පැමිණෙන උපාධිධාරීන්ට මෙරට රැකියා වෙළඳ පොළ තුල රැකියාවක් නොමැත්තේ නම් සහ ඉන් ඔබ්බට ගොස් ලෝක රැකියා වෙළඳ පොළ තුළත් රැකියාවක් සොයා ගැනීමට නොහැකි වේ නම් ඔහු සමස්ථ අධ්‍යාපන පද්ධතියම පිලිබඳ කලකිරීමට පත්වනු ඇත. එම නිසා එළඹෙන වසර පහ තුළ අප විසින් අධ්‍යාපන ක්ෂේත්‍රයේ පුළුල් වෙනසක් ඇති කළ යුතු වෙයි. එය ලෝක රැකියා වෙළඳ පොළ හා බද්ධ වූ අධ්‍යාපන ක්‍රමයක් විය යුතුය. මිට වසර පනහකට පෙර උපාධිය ජිවිතයට අභාරණයක් වුවද අද තරුණයෙක් උපාධියක් ලබා ගන්නේ රැකියාවක් බලාපොරොත්තුවෙනි. ඒම නිසාතරුණ පරම්පරාව දේශපාලකයන්ගෙන් බලාපොරොත්තු වන මෙම වෙනස්කම් අප විසින් සිදු කල යුතු වේ.
හම්බන්තොට ගොඩ නගන වැඩපිළිවෙල, “හෙට හම්බන්තොට” ප්‍රතිපත්ති මාලාව | දෙවන කොටස : හම්බන්තොට අධ්‍යාපනයේ හෙට දවස.
පාසල් අධ්‍යාපනය අතින් හම්බන්තොට දිස්තික්කය ඉතාමත් ඉහළ තැනක පැවතියද පාසල් ක‍්‍රීඩා අතින් සිටින්නේ ඉතාමත් පහළ මට්ටමකය. පාසල් අධ්‍යාපනය සේම ක‍්‍රීඩාව, කලාව, සංස්කෘතිය සඳහාත් ප‍්‍රමුඛතාවය දිය යුතුය. විශේෂයෙන්ම විශ්වවිද්‍යාල අධ්‍යාපනයේ වෙනසක් කිරීමට සාකච්ඡුා කෙරෙන අතර එම වෙනස හම්බන්තොට දිස්ත‍්‍රික්කයට ගෙනා යුතුවේ. එහිදී සුරියවැව තොරතුරු තාක්ෂණ විශ්වවිද්‍යාලයක් ස්ථාපනය කිරීමේදී විශ්වවිද්‍යාලය සේම තාක්ෂණ පීඨය නැවත වතාවක් බල ගැන්විය යුතුය. එසේම සාගර විශ්වවිද්‍යාලය මේ දිස්ත්රික්කයේ ප්රධාන විශ්වවිද්‍යාලයක් බවට ද පත්කළ යුතුය. අපගේ වෘත්තීය පුහුණු ආයතන වල පවතින පාඨමාලාවන් ද නැවත නව පාඨමාලාවන් සමග බල ගැන්විය යුතු වේ. දැනට ඒවායේ පවතින්නේ පැරණි පාඨමාලා වන අතර ඒවා ලෝක වෙළඳ පොළේ රැකියා ලබා ගැනීමට තරම් සුදුසුවන නුතනත්වය හා බැඳුනු ඒවා නොවේ. ඒවායින් බහුතරයක් 1998 වසර මහින්ද රාජපක්ෂ මැතිතුමන් වෘත්තීය පුහුණු ආයතන ආරම්භ කිරීමේදී පැවති ඒවාය. මේ හේතුවෙන් ජාතික ව්‍යාපාරයක් ලෙස මේ වෙනස කරා අප ගමන් කිරීමට අප කටයුතු කරනු ඇත.
“හෙට හම්බන්තොට” ප්‍රතිපත්ති මාලාව – පළමු කොටස | හම්බන්තොට තාරුණ්‍යය වෙනුවෙන් අපේ අනාගත වැඩපිළිවෙල.
හම්බන්තොට ගොඩ නගන වැඩපිළිවෙල හෙවත්, “හෙට හම්බන්තොට” ප්‍රතිපත්ති මාලාව අද සිට කොටස් වශයෙන් බලාපොරොත්තු වන්න:
පළමු කොටස:
මා විශ්වාස කරන පරිදි තරුණ පරම්පරාව තුළ ඇති ප්‍රධානතම ගැටළු කිහිපයකි. අධ්‍යාපනය, විරැකියාව, තමාගේම කියා ඉඩමක් ලබා ගැනීම, තමාගේම වාහනයක හිමිකාරිත්වය ලබා ගැනීම සහ තවත් කෙනෙකුට අත නොපා කාගේවත් පසු පස නොයා අහිංසක ජිවිතයක් ගත කිරීමට අවශ්‍ය සමාජ වටපිටාව නිර්මාණය කර ගැනීම එහිදී මූලික වශයෙන් හඳුනා ගන්න පුළුවන්. ඉතින් අපි මේ කරුණු පිළිබඳ අවබෝධයකින් තමයි සූරියවැව තොරතුරු තාක්ෂණ ගම්මානය කේන්ද්‍රකරගත් ආයෝජන කලාප ඇති කිරීමට සැලසුම් කර තිබෙන්නේ. ඒ වගේම හම්බන්තොට අලුතින් ඉදිකරණ ලද රෝහල අවට අක්කර 400ක ප්‍රදේශයේ ඖෂධ නිෂ්පාදන ගම්මානයක් (Pharmaceutical Manufacturing Village) ඇති කිරීමට මේ වන විට මුලික සැලසුම් සම්පාදනය කර ඇත. කොරෝනා කාල සිමාවේ වුවද නව තාක්ෂනය ඔස්සේ ආයෝජකයින් හා සාකච්ඡා කර ශ්‍රි ලංකාව තුළ ආයෝජනයට ඔවුන්ගේ කැමැත්ත ලබා ගෙන තිබේ. ඒ අනුව අපේ රටේ පමණක් නොව ඒ ඒ රටවල ගුවන් තොටුපල විවෘත වූ වහාම මේ ආයෝජන කලාප සක්‍රිය ආයෝජන කලාප බවට පත් කිරීමට අපට හැකිවනු ඇත. එමගින් තරුණයින්ගේ ප්රධාන බලාපොරොත්තුව වන රැකියාව නිර්මාණය කර දෙන අතර අධ්‍යාපන ක්ෂේත්‍රය දියුණු කිරීමට සඳහා අප නව වැඩසටහන් මාලාවක් සකස් කර ඇත. එමගින් හම්බන්තොට දිස්ත්‍රික්කය තුළ විශ්ව විද්‍යාල ස්ථාපනය කිරීම මුලික ඉලක්කයක්. එහිදී රාජ්‍ය හා පෞද්ගලික විශ්වවිද්‍යාල හම්බන්තොට දිස්තික්කය තුළ ස්ථාපනය වන අතර එහි පළමු විශ්ව විද්‍යාලය ලෙස ජාතික තොරතුරු තාක්ෂණ විශ්වවිද්‍යාලය සූරියවැව තොරතුරු තාක්ෂණ ගම්මානය තුල ස්ථාපනය කිරීමට අවශ්‍ය කටයුතු සම්පාදනය කර ඇති අතර මහා මැතිවරණයෙන් අනතුරුව එහි කටයුතු ආරම්භ කිරීමට හැකිවනු ඇත.
රුහුණුපුර අන්තර්ජාතික සම්මන්ත්‍රණ ශාලාවේ මාස 12ට ප්‍රදර්ශන 12ක් තියන්න පියවර ගන්නවා
හම්බන්තොට මාගම් රුහුණුපුර ජාත්‍යන්තර සම්මන්ත්‍රණ මධ්‍යස්ථානයේදී වසරේ මාස 12ට ප්‍රදර්ශන 12ක් පැවැත්වීමට පියවර ගන්නා බව ශ්‍රී ලංකා පොදුජන පෙරමුණු හම්බන්තොට දිස්ත්‍රික් අපේක්ෂක හිටපු පාර්ලිමේන්තු මන්ත්‍රී නාමල් රාජපක්ෂ මහතා ප්‍රකාශ කළේය.
තංගල්ල පොළොංමාරුව පෞද්ගලික උත්සව ශාලාවකදී ලෙක්හවුස් හම්බන්තොට දිස්ත්රික්කයේ ප්‍රාදේශීය මාධ්‍යෙව්දින් හා සිවිල් සංවිධාන නියෝජිතයන් අමතමින් නාමල් රාජපක්ෂ මහතා මේ බව පැවසීය.
එහිදී වැඩිදුරටත් කතා කළ ඒ මහතා- මෙම ප්‍රදර්ශන වලින් හම්බන්තොට පාරම්පරික කළු දොදොල් කර්මාන්තයට සහ රුහුණේ මීකිරි නිෂ්පාදනයට, දකුණේ ගතානුගතික සිංහල අවුරුදු චාරිත්‍රවලට නව පණක් ලැබෙනවා. හම්බන්තොට කුරුලු උද්‍යානයට නුදුරින් ප්‍රෙද්ශයේ අමුද්‍රව්‍ය උපයෝගී කරගෙන නිෂ්පාදන ඇති කිරීමේ විශේෂ ව්‍යාපෘතියක් ආරම්භ කිරීමට අක්කර 10ක ඉඩම් වෙන්කොට තිබෙනවා. මෙම කුරුලු උද්‍යානය දකුණු ආසියාවේ වැඩියෙන්ම කුරුලු පැටවුන් ඇති කරන මධ්‍යස්ථානය බවට පත්වෙලා. රන්මිණිතැන්න ටෙලි සිනමා ගම්මානය හා මත්තල මහින්ද රාජපක්ෂ ජාත්‍යන්තර ගුවන් තොටුපොළ වැඩිදියුණු කිරීමට ද කටයුතු කරනවා. මත්තල ගුවන් තොටුපොළ මගින් දකුණේ විශාල දියුණුවක් ඇති කිරීමට හැකියි. දක්ෂිණ අධිවේගි මාර්ගය නිසා ගමනාගමනයට විශාල පහසුවක් සැලසි තිබෙනවා. වන අලින් සඳහා හෙක්ටයාර් 32000ක් වෙන් කරට බූන්දල හන්දියේ ගුවන් පාලමක් තනා අලිමංකඩ ඇති කර අලි – මිනිස් ගැටුමට ස්ථිරසාර විසඳුමක් ලබා දෙනවා යැයිද රාජපක්ෂ මහතා කීය.
රාජ්‍ය මාධ්‍ය ඉදිරි වසර 5හේදී වෙනස් වෙන්න ඕනේ. රාජ්‍ය මාධ්‍යය සැමවිටම ජනතාව සමඟ සිටිය යුතුයි. ජන ජිවිතය සමඟ රාජ්‍ය මාධ්‍යය ඉදිරියට යන්න ඕනේ. දිනමිණ තරුණු පුවත් පිටුවක් ආරම්භ කළ යුතුයි. රාජ්‍ය සේවය ඵලපුරුද්ද ලබන තැනක් බවට පත්වී තිබේ. ලෙක්හවුස් ආයතනයෙන් ඵලපුරුද්ද ලබාගෙන වෙනත් පුවත්පත් ආයතනවල සේවයට යන තත්ත් වයක් උද්ගතව පවතිනවා. පාසල් සිසුන්ට ලියන්න ඉඩ සලසා දෙන්න ඕනේ. එවිට ගමේ ප්‍රවෘත්ති ලියයි. ලබන වසරේ සිට ප්‍රවෘත්ති කලාවේ වෙනස්කම් රැසක් ඇති කිරීමට පියවර ගන්නවා. හම්බන්තොට මාධ්‍ය උපකරණ අලෙවි කෙරෙන ජාත්‍යන්තර වෙළෙඳ මධ්‍යස්ථානයක් ඇති කිරීමට ද පියවර ගන්නවා. හම්බන්තොට දිස්ත්රික්කයේ දැනට තිබෙන තරු පන්තියේ හොටල් කාමර 1500ට අමතරව තවත් අලුතින් හොටල් කාමර ඉදිවීමේ ඇති අවශ්‍යතාව ද
ලෙක්හවුස්, දිනමිණ ප්‍රාදේශීය ප්‍රවෘත්ති කතෘ ආසිරි මල්ලවආරච්චි මහතා ද මෙම අවස්ථාවට සහභාගී විය.
පී.ඩබ්ලිව් කොඩිතුවක්කු
ආගමික නායකයන්ට අපහාස කරන අය ළඟ තියාගෙන සජිත් ආණ්ඩු බලය ඉල්ලන්නේ මේ රට ආගමක් දහමක් නැති රටක් කරන්නද?
ආගමික නායකයන්ට අපහාස කරන අය ළඟ තියාගෙන සජිත් ප්‍රේමදාස මහතා ආණ්ඩු බලය ලබා දෙන්නැයි ජනතාවගෙන් ඉල්ලා සිටින්නේ මේ රට ආගමක් දහමක් සංස්කෘතියක්,සභ්‍යත්වයක් නැති රටක් බවට පත් කිරීමට දැයි සජිත් පේමදාස මහතාගෙන් විමසා සිටින බව හම්බන්තොට දිස්ත්‍රික් හිටපු පාර්ලිමේන්තු මන්ත්‍රී නාමල් රාජපක්ෂ මහතා පසුගියදා (24) අම්බලන්තොටදී කීය.
සී අයි.ඩී එකට ගිහිල්ල සහ ඇවිල්ලහරි කටඋත්තර ගන්න පුළුවන් දේශපාලන මැදිහත්වීමේ පරීක්ෂණ යටගහන්න අපි සූදානම් නැහැ. රටේ ජනතාවගේ ඉල්ලීමක් තිබුණා,පරීක්ෂණ සිදු කරන්න කියා. එය දැනට ක්‍රියාත්මක වෙනවා. කරුණා අම්මාන්ගේ ප්‍රකාශය ගැන පරීක්ෂණ කරන ගමන් කරුණා අම්මාන්ට තුවක්කු දීපු අය සම්බන්ධයෙන් පරීක්ෂණ සිදු කරන්න කියා අපි සී.අයි.ඩී එකෙන් ඉල්ලා සිටිනවා.
එදා රණවිරුවන් ඝාතනය කරන්න තුවක්කු දීපු අය අද හැංගිලා ඉන්නවා. ඒ අය ගැනත් සමාජයට දැනගන්න කරුණු එළිකරන්න ඕනෑ. කරුණා අම්මාන් කියන්නේ ඒකීය රටක් කියන සංකල්පය පිළි අරගෙන එල්ටීටීයට විරුද්ධව ක්‍රියා කරන පුද්ගලයෙක්. අපේ සිංහල රාජ්‍ය නායකයෝ සිටියා එල්ටීටීයට තුවක්කු දීලා අපේ රණවිරුවන් ඝාතනය කරවපු අය.
හරීන් ප්‍රනාන්දු මහත්තයාගේ ප්‍රකාශය අපි දැඩි ලෙස හෙළා දකිනවා. අගරදගුරුතුමාට චෝදනා කරනවා. මංගල සමරවීර මහත්තයා අපේ මහසංඟරත්නයට අපහාස කරනවා.සජිත් නායකයා වෙන්න හදන්නේ සියලු ආගමික නායකයන්ට අගෞරව කරන අය ළඟ තියාගෙනද කියා අපි අහනවා. මේ රට අන්‍යාගමික රටක් බවට පත් කරගන්නද හදන්නේ කියා අපි සජිත් ප්‍රේමදාස මහත්තයාගෙන් අහනවා. අගරදගුරුතුමාට බැණ චෝදනා කර සජිත් ප්‍රසිද්ධියේ සමාව ගත්තට වැඩක් වෙන්නේ නැහැ. බුද්ධි අංශ දැන් ගහනවා කියලා කියද්දි මේක නැවැත්තුවේ නැති ආණ්ඩුව එයට උදව් කරපු අය සිටිය ආණ්ඩුව දැන් අගරදගුරුතුමාටත් අපහාස කරනවා.ලෝකය හමුවේ මේ අපහාසය ලංකාවට මහත් අපකීර්තියක්යැයිද කීය.
27/06/2020
ලුණම සමූහ- සනත් ගමගේ
මුල් පුවත සදහා පිවිසෙන්න : http://epaper.dinamina.lk/Home/ShareArticle?OrgId=3151e5df&imageview=0
