හම්බන්තොට ගොඩ නගන වැඩපිළිවෙල | “හෙට හම්බන්තොට” ප්‍රතිපත්ති මාලාව | දහ හත්වැනි කොටස | හම්බන්තොට සෞඛ්‍ය සේවාවේ දියුණුව ..

හම්බන්තොට ප්‍රධාන රෝහල ලංකාවේ හොඳම රෝහලක් බවට පරිවර්තනය වෙමින් පවතී. නමුත් අප ග්‍රාමීය රෝහල් සංවර්ධනය නොකළහොත් ඊට අවශ්‍ය පහසුකම් සැපයීම සිදු නොවුන හොත් නාගරික රෝහල් පිරි ඉතිරි යාම වළක්වා ගැනීම නොහැකි වේ. එවිට නාගරික රෝහල් වලට රෝගීන්ගේ පැමිණීම දරාගැනීමට ඇති හැකියාව හින වී යන අතර සේවා ඵලදායිතාව ද පහළ වැටෙනු ඇත. එම නිසා හම්බන්තොට දිස්ත්‍රික්කය පුරා ඇති ග්‍රාමීය රෝහල් සංවර්ධනය කළ යුතුය. එහිදී යටිතල පහසුකම්, භෞතික සම්පත් සහ මානව සම්පත දියුණු කල යුතුය. මානව සම්පත් අද වන විට විශාල ගැටළුවක් බවට පත්ව ඇත. හම්බන්තොට මහ රෝහලට පවා අද වෛද්‍යවරු 80ක හිඟයක් පවතී. එසේම හෙඳ හිඟයක් පවතී.එය තංගල්ල, බෙලිඅත්ත, කිරින්ද රෝහල්වලටද බලපා ඇත.  එහිදී මෙම රෝහල් වලට අවශ්‍ය මානව සම්පත ලබා ගැනීම ජාතික වැඩපිළිවෙලක් ලෙස අප විසින්  ක්‍රියාත්මක කළ යුතු වේ.

එසේම කටුවන, ගොමඩිය, වරාපිටිය රෝහල් වල පහසුකම් වර්ධනය කිරීම, වලස්මුල්ල රෝහල ප්‍රධාන රෝහලක් බවට පත් කිරීම සහ වීරකැටිය, තිස්ස, දෙබරවැව, මත්තල ගුවන්තොටුපල කේන්ද්‍ර කරගත් රෝහල, සූරියවැව IT සහ තාක්ෂණ ගම්මානය කේන්ද්‍රකරගත් රෝහල සහ තංගල්ල රෝහල ප්‍රධාන රෝහල් වශයෙන් සංවර්ධනය කිරීමට බලාපොරොත්තු වේ.