රටක අභ්‍ය­න්තර කාර­ණා­ව­ලට වෙනත් රට­වල් ඇඟිලි නොගැ­සිය යුතුයි.

දේශ­පා­ල­නික වශ­යෙන් අස්ථා­වර නාය­ක­යන් දේශ­පා­ල­න­යට ගෙනැ­විත්, තමන්ට අවශ්‍ය විදි­යට මේ රට පාල­නය කරන්න පුළු­වන් කියලා සම­හර රට­වල නාය­ක­යන් විශ්වාස කරන බවත්, රටක අභ්‍ය­න්තර කාර­ණා­ව­ලට වෙනත් රට­වල් ඇඟිලි නොගැ­සිය යුතු බව තමා විශ්වාස කරන බවත් හිටපු පාර්ලි­මේන්තු මන්ත්‍රී නාමල් රාජ­පක්ෂ මහතා ප්‍රකාශ කළේය.

ඒ මහතා මේ බව පැවැ­සුවේ කුරු­ණෑ­ගල දිස්ත්‍රික් තරුණ මුස්ලිම් සම්මේ­ල­නයේ ප්‍රධාන ආරා­ධි­තයා ලෙස සහ­භාගි වෙමිනි.

කුරු­ණෑ­ගල බ්‍රයිට් බ්‍රාවෝ හෝට­ලයේ දී පැවති මේ සම්මේ­ල­නය කුරු­ණෑ­ගල දිස්ත්‍රික් මුස්ලිම් තරුණ සම්මේ­ල­නය සංවි­ධාන කර තිබුණි. කුරු­ණෑ­ගල නග­රා­ධි­පති තුෂාර සංජීව, ප්‍රාදේ­ශීය සභා මන්ත්‍රී රිෆාල්, ‘කාන්තා සවිය’ සංවි­ධා­නයේ සභා­ප­තිනී ෆෙරෝසා මුස­ම්මිල්, සබීර් මන්සූර් මහත්ම මහ­ත්මීන් ඇතුළු වයඹ පළාත් රැකියා විර­හිත උපා­ධි­ධා­රීන් සංග­මයේ නියෝ­ජි­තයෝ ද, තරුණ ව්‍යාපා­රි­කයෝ ද, සිවිල් සංවි­ධා­නයේ තරුණ නියෝ­ජි­තයෝ ද මේ සම්මේ­ල­න­යට සහ­භාගි වූහ.

එහිදී වැඩි­දු­ර­ටත් අද­හස් දැක්වූ ඒ මහතා මෙසේ ද පැවැ­සීය.

මේ රටේ ජන­වා­ර්ගික දේශ­පා­ලන පක්ෂ එක් කාල­යක දී ඉස්මතු වුණා. දකුණේ ආගම කේන්ද්‍ර කර­ගෙන දේශ­පා­ලන පක්ෂ ඉස්මතු වුණා. උතුරේ ජාතිය කේන්ද්‍ර කර­ගෙන දේශ­පා­ලන පක්ෂ ඉස්මතු වුණා. එතැ­නින් තමයි අප අතර බෙදීම පටන් ගත්තේ. ඇයි එහෙම දේශ­පා­ලන පක්ෂ හැදුවේ කියලා තරු­ණ­යන් විදි­යට ඔබ පොඩ්ඩක් හොයලා බලන්න.

එහෙම දේශ­පා­ලන පක්ෂ හදන්න තිබුණ බල­වේග මොන­වාද? කවුද මේ රටේ තරු­ණයා දේශ­පා­ල­නික වශ­යෙන් බෙදන්න තීන්දු කළේ?

මේ ළඟදී මේ වගේම රැස්වී­ම­කදී මාධ්‍ය­වේදී සහෝ­ද­ර­යෙක් මගෙන් ඇහුවා මාත් එක්ක රනිල් වික්‍ර­ම­සිං­හගේ ඩීල් එකක් තිබෙ­න­වද කියලා. එහෙම නැත්නම් සජිත් ප්‍රේම­දා­සයි මායි අතර ඩීල් එකක් තිබෙ­න­වාද කියලා. මම කිව්වා එහෙම ඩීල් එකක් නෑ කියලා. මම ඔහුට කීවා දේශ­පා­ල­නික වශ­යෙන් අප අතර ඩීල් එකක් නෑ. රනිල් මාව තුන් පාරක් හිරේ දැම්මා. අපේ ආච්චිව, අම්මා සී.අයි.ඩී. එකට අරන් ගියා තාජු­ඩීන් ඝාත­නය කළා කියලා. එහෙම ඩීල් එකක් අප අතරේ තිබුණා නම් මගේ අම්මා සී.අයි.ඩී. එකට ගෙන යයිද?

සජිත් ප්‍රේම­දා­සත් එහෙ­මයි. එළි­ම­හ­නේදී බැන්නාට පාර්ලි­මේ­න්තු­වේදී බොහෝම හොඳට හිනා වෙලා කතා­බහ කර­නවා. එහෙම වුණා කියලා අප අතර ඩීල් එකක් නෑ. හැබැයි එක කාර­ණ­යක් තිබෙ­නවා. සජි­තුයි රනි­ලුයි තරහා වුණාට රනිල් වික්‍ර­ම­සිං­හයි සජිත්ගේ තාත්තා රණ­සිංහ ප්‍රේම­දා­සයි එකතු වෙලා තමයි මේ රටේ හැට දාහක් තරුණ තරු­ණි­යන් මැරුවේ. එදා එහෙම කරන කොට ඒකට ඒ දෙන්නා­ටම විරු­ද්ධව කතා කළේ මගේ තාත්තා මහින්ද රාජ­පක්ෂ විත­රයි.

පල­ස්තීන මිත්‍රත්ව සංවි­ධා­නය හැදුවේ මගේ තාත්තා. ඒ සංවි­ධා­නයේ මාත් ඉන්නවා. මාත් විශ්වාස කරන දේශ­පා­ල­න­යක් තිබෙ­නවා. අප හැමෝම නොබැඳි දේශ­පා­ලන ප්‍රති­ප­ත්තිය අනු­ග­ම­නය කර­නවා. අප විශ්වාස කර­නවා රටක අභ්‍ය­න්තර කාර­ණා­ව­ලට වෙනත් රට­වල් ඇඟිලි නොගැ­සිය යුතුයි කියලා. එහෙම නම් පල­ස්තී­නය වගේ රට­කට තමන්ගේ අයි­තිය ලබා දෙන්න ඕනෑ. මහින්ද රාජ­පක්ෂ ජනා­ධි­ප­ති­ව­ර­යාගේ නමින් පම­ණයි ඒ රටේ විදේ­ශ­ක­ය­කුගේ නමින් පාරක් නම් කරලා තිබෙන්නේ.

අපේ රටේ වගේම ලෝකයේ දෙවැනි පෙළ දේශ­පා­ලන නාය­ක­ත්වය හසු­රු­වන්නේ වෙනත් හස්ත­යන්. අද මැද පෙර­දි­ගට වෙලා තිබෙන තත්ත්වය බැලු­වාම ලෝකයේ වැඩි­යෙන්ම මුදල් උප­යන පිරිස ඉන්නේ මැද පෙර­දිග. ලිබි­යාව, ඉරා­නය වගේ රට­වල් ඩොල­ර්ව­ලින් ඉවත් වෙන්න හදන කොට ඒ රට­වල නාය­ක­යන් එක පාර­ටම ත්‍රස්ත­වා­දීන් බවට පත් වුණා. ඒ රට­වල නාය­ක­යන් එක පාර­ටම අතු­රු­දන් වුණා. ප්‍රජා­ත­න්ත්‍ර­වා­දය නෑ කියලා ඇවිත් බලෙන් ඒ රට­වල් අල්ලා ගත්තා.

ඉස්සර රට­වල් අල්ලා ගත්තේ ගහලා විනාශ කරලා. නමුත් අද රට­වල් අල්ලා ගන්නේ ආර්ථි­කය නැත්නම් ආගම දහම විනාශ කරලා. ලිබි­යා­වට මේ දෙකම පාවිච්චි කරලා විනාශ කර දැම්මා. මම දකින්නේ 2015ට පෙර අපේ රටෙත් වෙන්න ගියේ ඒ දේයි.

එල්.ටී.ටී.ඊ. එක ඇති වුණේ කොහො­මද? රනිල් වික්‍ර­ම­සිං­හයි රණ­සිංහ ප්‍රේම­දා­සයි එකතු වෙලා දකුණේ මැරුවේ, බට­ලන්දේ වධ­කා­ගා­රයේ මැරුවේ දමිළ තරු­ණ­යන් නොවේ. සිංහල තරු­ණ­යන්. හැබැයි උතුරේ ත්‍රස්ත­වා­දය පරා­ජය කළේ දකුණේ සිංහල, මුස්ලිම්, දමිළ තරු­ණ­යන් එකතු වෙලා. ඒක තමයි ඇත්ත කතාව.

අප එල්.ටී.ටී.ඊ. ත්‍රස්ත­වා­දය පරා­ජය කළාම ඒකට පණ පෙවූ අය අලු­තින් ක්‍රම­වේද හොය­නවා නැවත මේ රට බෙදන්න. ඒකේ ආර­ම්භය තමයි අන්ත­වා­දය, ජාති­වා­දය සමා­ජයේ වපු­ර­වපු එක. ඒකේ ප්‍රති­ඵ­ලය තමයි එල්.ටී.ටී.ඊ. බෝම්බෙන් පත­රො­මෙන් ඝාත­නය කරන්න බැරි වු මහින්ද රාජ­පක්ෂ මැති­ව­ර­ණ­යෙන් පරා­ජය කිරීම. ඊට පස්සේ මහින්ද රාජ­පක්ෂ හිරේ දාන්න උත්සාහ කළා.

මෙහිදී මුස්ලිම් තරුණ තරු­ණි­යන් ඉදි­රි­පත් කළ ප්‍රශ්න­ව­ලට ද නාමල් රාජ­පක්ෂ මහතා පිළි­තුරු දුන්නේය.

කාන්තා සවිය සංවි­ධා­නයේ සභා­ප­තිනී ෆෙරෝසා මුස­ම්මිල් මහ­ත්මිය ද මේ අව­ස්ථා­වට සහ­භාගි වූවාය.

මුල් පුවත සදහා :  පිවිසෙන්න