දීර්ඝ ඉති­හා­ස­යක් තිබෙන අපට හම්බන්තො­ටින් යන්න වුව­ම­නා­වක් නෑ හිටපු පාර්ලි­මේන්තු මන්ත්‍රී නාමල් රාජ­පක්ෂ

අවු­රුදු සීයක පමණ ඉති­හා­ස­යක් තිබෙන අප තව අවු­රුදු පන්සි­ය­ය­ක­ට­වත් මේ දිස්ත්‍රි­ක්ක­යෙන් ඉවත් කරන්න ‍ලේසි නෑ. ඒ නිසා අපට යන්න වුව­ම­නා­ව­කුත් නෑ. යැයි හම්බ­න්තොට දිස්ත්‍රික් හිටපු පාර්ලි­මේන්තු මන්ත්‍රී නාමල් රාජ­පක්ෂ මහතා පැවැ­සීය.

ඒ මහතා මේ බව පැවැ­සුවේ පෙරේදා (26) අම්බ­ල­න්තොට පැවති ජන හමු­ව­කට සහ­භාගි වෙමිනි.

එහිදී වැඩි­දු­ර­ටත් අද­හස් දැක්වූ ඒ මහතා මෙසේ ද කීය.

හම්බ­න්තොට දිස්ත්‍රි­ක්කයේ අපේ දේශ­පා­ලන ඉති­හා­සය අවු­රුදු 100කට එහා දිව යනවා. අපේ පර­ම්ප­රාවේ සීයලා දේශ­පාලනය කළා. මහින්ද රාජ­පක්ෂ මගේ පියා අවු­රුදු 50ක් මේ දිස්ත්‍රි­ක්ක­යත් එක්ක දේශ­පා­ල­නය කළා. මම අවු­රුදු 10ක් මේ දිස්ත්‍රි­ක්කයේ දේශ­පා­ල­නය කර­නවා.

සජිත් ප්‍රේම­දාස මහතා මේ දිස්ත්‍රි­ක්ක­යෙන් ගියාට අප අවු­රුදු සීයක් සිටිය තැන දාලා යන්නේ නෑ. සජිත් ප්‍රේම­දාස මහතා ඉඩම් දෙනවා කියලා, කැලෑ­ සුද්ධ කළා. රැකියා දෙනවා කියලා, තාව­කා­ලික පත්වීම් දුන්නා. ආධාර දෙනවා කියලා, ණය දුන්නා. උසද කොටද බලලා පෝලිම් කර අය­දු­ම්පත් එකතු කළා. අන්ති­මට උස කට්ටි­යත් ගෙදර. මිටි කට්ටි­යත් ගෙදර. ඒ නිසා ඒ මහ­තාට ඔබට මුහුණ දෙන්න බැරිව ඇති කියලා මා හිත­නවා. එයා හැදූ ගම්මා­න­ව­ලට ගියාම මිනිස්සු එයා­ගෙන් ප්‍රශ්න­යක් ඇහු­වොත් ඇයි අපව අස­රණ කළේ කියලා, දෙන්න උත්තර නෑ. රැකියා ගත් තරු­ණ­යන් ඇහු­වොත් ඇයි අපට මෙහෙම කළේ කියලා, එයාට දෙන්න උත්තර නෑ. ඒ නිසා සජිත් ප්‍රේම­දාස මහතා දිස්ත්‍රි­ක්කය අත­හැර කොළ­ඹට ගියා.

ඒත් අප ඔබ සමඟ මේ දිස්ත්‍රි­ක්කයේ දේශ­පා­ලන කට­යුතු වගේම සංව­ර්ධන කට­යු­තුත් කර­ගෙන යනවා. අපේ දේශ­පා­ල­නය උදැ­ල්ලක්, අල­වං­ගු­වක්, මෝල් ගහක්, වංගෙ­ඩි­යක් දී ඡන්දය ගන්න එක නොවෙයි. අපේ දේශ­පා­ල­නය මේ දිස්ත්‍රික්කය සංව­ර්ධ­නය කර ඊළඟ පරම්ප­රා­වට හරි­යන ලෙස රට ගොඩ­න­ඟන එකයි. ඒ අපේ දේශ­පා­ලන ප්‍රති­ප­ත්තිය. ඒ නිසා තමයි හම්බ­න්තො­ටට වරා­යක් ආවේ. ගුව­න්තො­ටු­පො­ළක් ආවේ. අධි­වේගී මාර්ග ආවේ. අපට හොඳ දේශ­පා­ලන දැක්මක් සහ ප්‍රති­ප­ත්ති­යක් තිබෙන නිසා තමයි එවැනි දැවැන්ත සංව­ර්ධ­න­යක් ඇති කළේ.

රාහුල් සමන්ත හෙට්ටි­ආ­රච්චි

මුල් පුවත කියවීම සදහා